ياللى حولت المرارة
إللي في حياتي لترنيمات

حتى ضعفي وجهل قلبي
ما منعش الإحسانات

كل ثانية في عمــري عدت
لو هاتحكي تقول كتير

كل نبضة في قلبي غنت
بافتكرلك كل خير

”بافتكر لك“ 3 كل خير

إحساناتك تاج وطوق
على راسي وعلى قلبي

وجوهر التاج إللي فوق ده كله
موت الصلب ربي

ده إللي خلاني آجي ساجد
وأحني راسي وأقول :“صغير“

بالصليب أنا صرت واجد
في المسيح نعم المصير

”بافتكر لك“ 3 كل خير

لولا مسكة إيدك إنت
كنت أضيع ويا إللي ضاع

أنا مش أفضل من إللي
خان وأنكر وإللى باع

قلبى مديون لك يا غالى
وعمرى كله أعيش أسير

نعمتك رأفت بحالي وراح تكمل يا قدير

”بافتكر لك“ 3 كل خير